كلنا بشر

كتير بتراسل مع أصدقاء .. عن طريق الفيس بوك أو على الماسنجر أو أيا طريقة
تانية .. الأشخاص إلي بحاكيهم بقسمهم لأكتر من فئة .. في ناس بتحكي معك
لغرض الحكي أو بتقدر تسميها ” حركشة “و بس .. بداية الكلام عنده ” مرحبا ”
بترد عليه ” هلا ” بحكيلك ” كيفك ” بتقولوا ” تمام ” و انت كيفك ” بيقولك
” تمام ” … و بتخلص المحادثة منوا .. شو أستفاد ما بعرف بالضبط .. أما
الفئة التانية و هي الفئة الي ممكن تسميها مساعد الصيادلة و المحفز
الرئيسي لشراء حبوب وجع الراس .. و هدول ما بيكون بالأغلب عندهم شي بس
مجرد حكي كتير .. و ما بتعرف متى راح تخلص .. أما فئة المحققين .. و هي
الفئة إلي ما بتخلي سؤال إلا و بتسألك أياه .. متوقع غير متوقع بتنسأل و
بدك تجاوب … و بتحس حالك عم يتحقق معك … ” في ناس بتسأل بس شي مقبول يعني
” .. أما النوع الأخير ” الفريد من نوعه ” … و هاد من الي بيكون ما عمرك
حكيت معوا إلا مرة .. و لا بصير بينكم أيا نقاش .. يا دوب مرحبا و هلا و
بس .. لو في يوم فتح معك موضوع أو كان بدوا مساعدتك في شي .. أعرف أنه في
تبعات بعد فنرة على نفس الموضوع .. و أنه الموضوع راح يقلب عليك .. و تصير
انت المشكلة ” و هي الفئة بالعادة بكون حريص أحفظ المحادثة الي بيني و
بينهم ” الحرص واجب .. و بالأخير .. الأشخاص إلي إذا ما بترد عليهم ..
بسمعوك مليون كلمة و كلمة … و كأنك أعملت شي خطير بأنك ما رديت .. و
بالأغلب أنت ما بتكون على الجهاز أصلاً … في النهاية .. مش القصد أني ما
بدي أحكي مع حد .. بس يا ريت نكون متفهمين .. خاصة أنه كلنا بشر ما حد
أحسن من حد .. و كل واحد عنده ظروفه …